زوج منة شلبي يعلق على الحلقة الأخيرة لـ "صحاب الأرض"

حرص المنتج أحمد الجنايني، التعليق على الحلقة الأخيرة من مسلسل"صحاب الأرض" الذي تخوض بطولته زوجته الفنانة منة شلبي وعرض بالنصف الأول من شهر رمضان 2026. 
  
وقال أحمد الجنايني: "مبروك من قلبي، أنا حقيقي فخور بيكي.. صحاب الأرض مش مجرد مسلسل ده عمل بيحكي قضية مهمة بصدق وشجاعة، عمل هيعيش سنين كتير".

واستكمل الجنايني : "منة شلبي.. مبروك النجاح الكبير ومبروك على الأداء الصادق والقوي، وعلى اختيارك دايمًا للأعمال اللي ليها معنى وتأثير.. ربنا جزاكي على قد مجهودك وتعبك، وشكرًا على احترامك وإخلاصك في شغلك".
 
وأضاف أحمد الجنايني: "دكتور بيتر إيه الحلاوة والجمال ده.. قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم و وموسيقى أكثر من رائعة". 

وأختتم رسالته: "كل ده مكنش هيحصل من غير إنتاج قوي جدًا واقف ورا مشروع مهم زي ده دينا كريم، كل الشكر والتقدير لكل صناع هذا العمل على تقديم قصة تستحق أن تُروى، مبروك". 

مسلسل "صحاب الأرض" بطولة إياد نصار ومنة شلبي، والفنان الفلسطيني كامل الباشا، عصام السقا، وتارا عبود، وآدم بكري، وسارة يوسف، وهو من تأليف عمار صبري، وإخراج بيتر ميمي.